Hiiraan (Halqaran.com) – Wararka ka imaanaya gobolka Hiiraan ayaa sheegaya, in xubno ka tirsan Ururka Al-Shabaab ay weerar ku qaadeen Saldhiga Booliska degmada Jalalaqsi ee gobolkaasi.
Dadka deegaanka oo la hadlay warbaahinta ayaa sheegaya, in halkaasi uu ka dhacay dagaal xooggan oo u dhaxeeyay Ciidamada booliska degmada Jalalaqsi ee gobolka Hiiraan iyo maleeshiyaadka Al-Shabaab.
Dagaalkan ayaa socday in ka badan muddo saacad ah, sida ay ku soo warramayaan goobjoogayaal.
Sidoo kale, wararka ayaa intaasi ku dadraya in dagaalka uu sababay dhimashada hal ruux iyo dhaawaca labo kale, kuwaas oo isugu jira maleeshiyada Al-Shacab iyo Ciidanka booliska.
Weli kama aysan hadlin weerarkaasi laamaha ammaanka degmada Jalalaqsi ee gobolka Hiiraan iyo kuwa AMIOSM oo ku sugan qeybo kamid ah degmada, balse waxaa la sheegay in maanta ay wadaan howlgallo kala duwan.
Ugu dambeyn, degmada Jalalaqsi ee Gobolka Hiiraan ayaa waxaa ay ka mid tahay degmooyinka ay ku sugan yihiin Ciidamada Dowladda iyo kuwa AMISOM gaar ahaan kuwa Jabuuti, waxaana mararka qaar weerar ku soo qaada Maleeshiyaadka Ururka Al-Shabaab.
Xafiiska Wararka Halqaran.com
Halqarannews@gmail.com
