Hargeysa (Halqaran.com) – Maxkamdda Racfaanka Gobolka Maroodijeex ee Somaliland ayaa Axaddii maanta go‘aan ka gaartay kiiska Wariye Cabdi Maalik Coldoon oo muddooyinkii dambe xirnaay.
Maxkamadda Racfaanka ayaa ayiday xukunkii hore loogu riday Cabdi Maalik oo ahaay Xarig Saddex Sano.
Cabdi Maalik Muuse Coldoon ayaa la hor keenay Maxkamadda Racfaanka Magaalada Hargaysa, waxaana la sheegay maxkamadda inaysan joogin ehelkiisa iyo qareenkii difaacayay.
Maxkamadda waxa ay shaacisay inay ayiday xukunkii hore lagu riday Weriye Cabdi Maalik, sidaasina uu ku soo dhammeysan doono xabsiga waqtiga lagu xukumay.
Weriye Cabdi Maalik Muuse Coldoon ayaa xilligii la xiraayay waxaa loo soo jeediyay eedeymo kala duwan oo ku saabsan jiritaanka Somaliland.
Xafiiska Halqaran.com, Hargeysa
Halqarannews@gmail.com
