Muqdisho (Halqaran.com) – Waxaa qarax miino goor-dhow lagula eegtay magaalada Muqdisho, kolonyo ciidamo ka tirsan Midowga Afrika ee AMISOM, wuxuuna qaraxaasi geystay khasaare.
Sida ay sheegayaan wararka Ciidamada AMISOM ayaa qaraxaan waxaa lagula eegtay inta u dhaxeysa Isgoyska SOS iyo Ex Control Balcad halkaasi oo Qaraxa lagu aasay.
Qaraxa oo ahaay miino ayaa wuxuu qabsaday gaari ka mid ah gaadiidka qafulan ee ay isticmaalaan Ciidamada AMISOM oo waxyeelo ay soo gaartay.
Qaraxa markii uu dhacay kadib Ciidamada AMISOM waxa ay fureen rasaas fara badan oo jihooyinka ay u rideen, waxaana taasi ka dhashay khasaare soo gaaray dad shacab.
Inta la xaqiijiyay laba ruux oo shacab ah ayaa ku dhaawacmay rasaastaasi, kuwaasi oo loo qaaday goobaha caafimaadka.
Ilaa iyo hadda lama oga in Ciidamada AMISOM uu soo gaaray khasaare nafeed, balse gaariga Qaraxa uu qabsaday ayaa waxaa la sheegay inuu bur buray.
Xafiiska Halqaran.com, Muqdisho
Halqarannews@gmail.com
