Turkey (Halqaran.com) – Ugu yaraan 71 muhaajiriin ah ayaa laga soo badbaadiyay xeebaha dalka Turkiga sida ay sheegayaan warbaahinta dalkasi. Ilaalada xeebaha Turkiga ayaa waxay u direen kooxo si ay u soo badbaadiyaan 28 muhaajiriin ah oo ku xayiran degmada Cesme ee gobolka Izmir ee Turkiga, mana jirto wax faahfaahin ah oo ka soo baxay maadaama saxaafadda loo diiday in ay booqdaan muhaajiriinta.
Xeebta degmada Dikili ee isla Gobolka Izmir ayaa sidoo kale laga soo bad baadiyay 24 Muhaajiriin ah oo muddo ku xayirnaa Xeebtaas, kaddib markii Doonyo ay wateen ay ka qaadeen Ilaalada xeebaha gobolka Izmir ee Turkiga .
Dadka la soo bad baadiyay ayaa waxaa ay isugu jiraan haween iyo caruur iyo dad dhalinyaro ah , iyadoo loo gudbiyay waaxda socdaalka Izmir .
Turkiga ayaa marin muhiim ah u ahaa magangalyo-doonka doonaya inay u gudbaan Yurub si ay u bilaabaan nolol cusub, gaar ahaan kuwa ka cararaya dagaallada iyo cadaadiska ka socda wadamada la daala dhacaya dhibaatooyinka xagga nolosha .
Xafiiska wararka Halqaran.com
Halqarannews@gmail.com
