Boosaaso (Halqaran.com) – Taliska Ciidanka Xoogga Puntland ee loo soo gaabiyo PSF ayaa sheegay in ay hawlgal qorshaysan ku qabteen shakhsiyaad diyaariya qaraxyada lagu aaso Buuraleyda Gobolka Bari, kuwaas oo lala beegsado Ciidamada Difaaca Puntland.
War qoraal ah oo ka soo baxay taliska Ciidamada PSF ayaa waxa lagu sheegay in Hawlgalkaas uu saacadihii la soo dhaafay ka dhacay gudaha magaalada Boosaaso.
Balse lama shaacin dadka la qabtay inay ka tirsan yihiin Ururrada Daacish ama Al-Shabaab.
Waxaa weli howlgalka uu socdaa Xaafado ka tirsan Boosaaso, sida dad goobjoogayaal ah ay Halqaran News u sheegeen in Ciidamada mararka ay ay galayeen Guryo bartilmaameed u ahaa.
Ugu dambeyn, magaalada Boosaaso ee Xarunta Gobolka bari iyo deegaano hoostaga ayaa waxaa dhowr jeer ka dhacay weeraro qaraxyo ah oo lagu dilay Mas’uuliyiin ka tirsan Puntland iyo Ciidamo.
Xafiiska Wararka Halqaran.com
Halqarannews@gmail.com
