Dhuusamareeb (Halqaran.com) – Madaxweynaha dowlad goboleedka Galmudug, mudane Axmed Cabdi Kaariye, ayaa xarunta Madaxtooyada Afur sharfeed ugu sameeyay Xildhibaannada Galmudug.
Waxaa goobjoog ahaa kulankaasi, madaxweyne ku xigeenka Cali Daahir Ciid, wasiirada Galmudug, iyo qaar kamid ah Xildhibaanada Dowladda Federaalka ah ee Soomaaliya.
Ujeedada kulankan, ayaa waxay aheyd, mahadcelin iyo xoojinta wadashaqeynta xukuumadda iyo Baarlamaanka.
Madaxweynaha Galmudug ayaa Golaha Baarlamaanka ugu mahadnaqay gudashada waajibkoodii dastuuriga ahaa ee kalsooni siinta Golaha wasiirrada iyo meel-marinta Barnaamijka Xukuumadda cusub.
Qoorqoor ayaa xusay in gogoshii dib u hesiintu wali furan tahay, isla markaana uu diyaar u yahay qancinta cidkasta oo qabta tabasho macquul ah.
Ugu dambeyn, Kulankan oo la isku dhaafsaday talooyin wax dhisaya ayaa ku soo dhaammaaday guul iyo is-fahan.
Xafiiska Wararka Halqaran.com
Halqarannews@gmail.com
