Muqdisho (Halqaran.com) – Madaxweyne Maxamed Cabdullaahi Farmaajo ayaa markii afaraad isugu yeeray madaxda dowlad goboleedyada dalka iyo gobolka Banaadir.
Shirka oo la filayo in uu dhaco 22-ka bishaan ayaa waxaa uu yahay mid lagu dhammeystirayo dadaalladii iyo wadaxaajoodyadii arrimaha doorashooyinka ee u dhexeeyay dowladda Federaalka, dowlad goboleedyada iyo gobolka Banaadir.
Shirkaan oo muddo laba maalmood socon doona ayaa waxaa loogu gol leeyahay in lagu soo gabagabeeyo talooyinka guddiga farsamada doorashada ee ka soo baxay shirkii Baydhabo 15-16 Febraayo 2021, kaas oo xal looga gaaray tabashooyinka ka soo laabtay heshiiskii doorashooyinka ee 17-ka Sebtembar 2020 qabsoomay.
Xafiiska wararka Halqaran.com
Halqarannews@gmail.com
