Beledweyne (Halqaran.com) – Ururka Al-Shabaab ayaa lagu soo warramayaa in xalay weerar hoobiyeyaal ah ay ku qaadeen Saldhig ciidan oo ku yaalla xaafadda Howlwadaag ee magaalada Beledweyne ee xarunta Gobolka Hiiraan.
Wararka ayaa sheegaya, in xalay dadka deegaanka ay maqleen dhawaqa hoobiyeyaasha lagu weeraray xerada ciidamada Jabuuti oo ku yaalla Suuqa Xoolaha ee Kaba laays ee Xaafadda Howlwadaag.
Weli lama oga khasaaraha ka dhashay hoobiyeyaashaas oo la sheegay inay gaarayeen ilaa Afar, kuwaas oo dadka Beleweyne qaarkood ay sheegeen inay dareemeen cabsi weyn.
Wararka ayaa intaasi ku daraya in Ciidamada AMISOM dhankooda ay ku jawaabeen tiro hoobiyeyaal ah, kuwaas oo la sheegay in aysan geysan wax khasaaro ah, waxaana xigay howlgal ay sameeyeen Ciidamada Jabuuti oo ka tirsan AMISOM.
Ciidamada dowladda Soomaaliya iyo kuwa AMISOM ayaa saaka howlgallo ka wadaan xaafado ka tirsan magalaada Beledweyne iyo duleedkeeda.
Xafiiska Wararka Halqaran.com
Halqarannews@gmail.com
