Sh/Hoose (Halqaran.com) – Ciidanka Xoogga Dalka Soomaaliyeed ayaa la sheegay in howlgal qorsheysan ay ka fuliyeen nawaaxiga degmada Kuntuwaarey ee gobolka Shabeelada Hoose, isla markaana ay ku dileen Sarkaal iyo xubno ka tirsanaa Ururka Al-Shabaab.
Saraakiil ka tirsasn Taliska Ciidanka Xoogga dalka Soomaaliyeed, ayaa warbaahinta dowladda u sheegay, in la dilay Sarkaal bartilmaameed u ahaa Ciidamada oo ku sugnaa nawaaxiga Kuntuwaarey.
Howlgalka oo ahaa duqeyn dhanka cirka ah ayaa lagu beegsaday goob la sheegay in ay isku uruursanayeen Xubno ka tirsan Al-shabaab,kuwaasi oo qorsheynayay in ay weeraro ku soo qaadaan fariisimaha ciidamada Xoogga dalka ay ku leeyihiin gobolka Shabeelaha Hoose.
Ciidanka xoogga dalka Soomaaliyeed, oo dhawaan howlgal qorsheysan ka fuliyay degmada Kuntuwaarey ayaa sheegay, inay ku dileen Saraakiil iyo xubno ka tirsanaa Al-Shabaab.
Xafiiska Wararka Halqaran.com
Halqarannews@gmail.com
