Dhuusamareeb (Halqaran.com) – Wafdi uu hoggaaminayo Wasiirka Wasaaradda Gaashaandhigga Xukuumadda fedearalka ah ee Soomaaliya Xasan Xuseen Xaaji ayaa waxaa ay gaareen Magaalada Dhuusamareeb ee Caasimadda dowlad goboleedka Galmudug.
Wafdiga oo uu qeyb ka ahaa Guddoomiyaha Maxkamadda Ciidamada Qalanka sida ee Soomaaliya Xasan Cali Nuur Shuute ayaa waxaa garoonka diyaaradaha Magaalada Dhuusamareeb ku soo dhaweeyay Wasiirka Amniga Galmudug iyo saraakiilka tirsan qyebta 21aad ee Ciidamada xoogga dalka Soomaaliyeed.
Ujeedada Wafdiga Wasaaradda Gaashaandhiga ee Dhuusamareeb ayaa waxaa lagu sheegay qiimeynta xagga Amniga Gobalka, Furista Maxkamadda u gaar ah Ciidamada ka howlgalla deegaannada Galmudug iyo Dar-dar gelinta Howlaha Maxkamadda Ciidamada.
Wafdiga Wasiirka Wasaaradda Gaashaandhigga Xukuumadda fedearalka ah ee Soomaaliya Xasan Xuseen Xaaji ayaa waxaa ay Xarunta Madaxtooyada kulan kula qaateen Madaxweynaha maamulka Galmudug Axmed Cabdi Kaariye (Qoorqoor), iyaga oo kala hadlay arrimo dhowr ah.
Xafiiska Wararka Halqaran.com
Halqarannews@gmail.cm
