Washington (Halqaran.com) – Madaxweynaha dalka Maraykanka, Donald Trump ayaa noqday Madaxweynihii ugu horreeyey ee Maraykanka oo xil haya oo diida inuu sii sheego inuu aqbali doono Natiijada Doorashada Madaxweynaha oo dhaceysa bisha November.
Mar uu wareysi siiyay Trump telefishinka Fox ayaa la weydiiyey inuu aqbali doono natiijada haddii uu doorashada Madaxweynaha uga guuleysto ninka la tartamaya ee xisbiga Dimuquraadiga Joe Biden.
Madaxweyne Trump ayaa hadalkiisa ku soo aadaya, xili la saadaalinayo in Musharraxa Dimuquraadiga Joe Biden uu dhanka taageerada uga horeeyo Madaxweynaha xilka haya tani oo walaac weyn ku heysa xisbi xaakimka Jamhuuriga.
Xafiiska Joe Biden oo ka jawaabaya diidmada Donald Trump ayaa sheegay in dalka Maraykanka uu shuruuc leeyahay, isla markaana ay shacabka dooran doonaan.
Ugu dambeyn, Madaxweyne Trump ayey taageeradiisa hoos u sii dhaceysay tan iyo horaantii sanadkan, waxayna dad badan ku dhaliilayaan qaabkii uu u wajahay kahor taga cudurka Covid-19 oo xiligan faro-ba’an ku haya dalka Maraykanka.
Xafiiska Wararka Halqaran.com
Halqarannews@gmail.com
