Awdiinel (Halqaran.com) – Taliska Ciidanka Ciidanka dalka Soomaaliyeed ayaa faah-faahin ka bixiyay dagaal ay Ciidanka xoogga dalka Al-Shabaab kula galeen deegaanka Awdiinle oo qiyaastii magaalada Baydhabo ee xarunta Gobolka Baay u jira 30km dagaalkaas oo ay sheegeen inay ku dileen labo ka tirsan Al-Shabaab, kuwo kalena nolosha ay ku qabteen.
Taliyaha Qeybta 60-aad ee Xoogga dalka, General Maxamed Sheekh Cabdullaahi Cismaan ayaa Warbaahinta Dowladda u sheegay in howlgalka uu ahaa mid qorsheeysan ayna fuliyeen guutada 8-aad qeybta 60-aad ee Xoogga dalka.
Taliyaha qeybta 60-aad Jeneraal Maxamed Sheekh ayaa tilmaamay in howlgalka uu qeyb ka yahay howlgallada dalka looga saarayo Al-Shabaab.
Ugu dambeyn, marka laga soo tago warkaan kasoo yeeray Taliska Ciidanka xoogga dalka Soomaaliyeed ayaa waxaa jirtay in xalay ay Al-Shabaab weerareen Saldhiga Ciidamada Dowladda iyo kuwa Koonfur Galbeed ee degaanka Awdiinle.
Xfaiiska Wararka Halqaran.com
Halqarannews@gmail.com
