Muqdisho (Halqaran.com) – Madaxweynihii hore ee Soomaaliya ahna Guddoomiyaha Midowga Musharraxiinta Madaxweynaha Sheekh Shariif Sheekh Axmed ayaa walaac ka muujiyay xaaladda Siyaasadeed ee dalka iyo muranka ka taagan Arrimaha doorashooyinka.
Sheekh Shariif oo Isniintii maanta dalka dib ugu soo laabtay oo Warbaahintana la hadlay ayaa sheegay inay aheyd in xilligaan howlaha doorashooyinka socdaan, balse ay nasiib darro tahay in ilaa iyo hadda aan la isku waafaqsaneyn Arrimaha doorashooyinka dalka.
Sidoo kale, wuxuu xusay Sheekh Shariif inay rajo weyn ka qabaan in dalkaan ay ka dhacaan doorashooyin xor iyo walaal ah oo lagu wada qanacsan yahay.
Madaxweynihii hore ee Soomaaliya, ahna guddoomiyaha Midowga Musharraxiinta Madaxweynaha Sheekh Shariif ayaa sheegay in weli la heysto fursad looga wada hadli karo khilaafka kajira doorashooyinka, waxaana uu cadeeyay in dalka uu u baahan yahay xasilooni iyo Nabad.
Xafiiska Wararka Halqaran.com
Halqarannews@gmail.com
