Matabaan (Halqaran.com) – Wararka naga soo gaaraya gobolka Hiiraan ayaa sheegaya, in Nabaddoon caan ah lagu dlay deegaanka Dhicis oo ka mid ah deegaannada hoostaga degmada Matabaan ee gobolkaasi.
Wararka ayaa sheegaya, in maleeshiyaad hubeysan ay dileen nabaddoonka, iyadoona ay u suurta-gashay inay durba goobta ka baxsadaan.
Marxuumka la dilay ayaa lagu magacaabi jiray Nabaddoon Geelle Faarax Oreey.
Dad goobjoogayaal ah ayaa waxaa ay sheegayaan in dilkaas uu la xiriir aanooyin qabiil oo maalmihii la soo dhaafay ka taagan deegaanno hoostaga degmada Matabaan ee Gobolka Hiiraan.
Dilka Nabaddoonka maanta lagu dilay deegaanka hoostaga degmada Matabaan ayaa ku soo beegemaya, xilli subixii Isniinta maanta wada gaari lagu dilay xuduudka ay gobolka Hiiraan la wadaagto Itoobiya.
Xafiiska Wararka Halqaran.com
Halqarannews@gmail.com
