Xudur (Halqaran.com) – Diyaarad sida gargaar kala duwan kana baxday Magaalada Baydhabo ee Xarunta Gobolka Baay ayaa Isniintii maanta ka degtay degmada Xudur ee Xarunta Gobolka Bokool.
Diyaaradan oo siday Raashinka noocyadiisa kala duwan ayaa waxaa la wareegay Agabkii saarnaa Maamulka degmada Xudur si Bulshada Magaalada loogu qeybiyo, hayeeshee ay xusid mudan tahay in gurmadkaas uusan ku filneyn
Degmada Xuddur oo muddo 8 Sano ah u go’doonsan Ururka Al-Shabaab ayaa waxaa kajirta xaalad bani’aadanimo oo aad u daran, kadib markii Al-Shabaab ay xoojiyeen culeyska ay saareen degmadaasi Xudur.
Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed (Laftagareen) ayaa ku sugan degmada Xudur, waxaana kulan uu la qaatay laamaha Amniga uu faray in go’doonka laga qaado degmooyinka Gobolka Bakool
Xafiiska Wararka Halqaran.com
Halqarannews@gmail.com
