Hobyo (Halqaran.com) – Wafdi uu hoggaaminayo wasiirka Dekadaha maamulka Galmudug Cabdi Saabir Nuur Shuuriye ayaa maanta gaaray magaalada Hobyo, isagoona halkaasi weyn loogu soo dhaweeyay.
Wafdiga oo ay qeyb ka yihiin Safiirka Dowladda Talyaaniga ee Soomaaliya Alberto Vecchi iyo mas’uuliyiin kale ayaa waxaa ay halkaasi u tageen dhagax dhigga dhismaha Deked macmal ah oo ay dhisidoonto Hay‘adda WFP.
Wasiirka Dekadaha Galmudug Cabdi Saabir Nuur Shuuriye ayaa dhawaan magaalada London ee dalka Ingiriiska ku saxiixey heshiis lagu dhisayo Dekeda Hobyo.
Waxaana Dekedaan Macmalka ah suurta galin doontaa in qalabka lagu dhisayo dekeda laga soo dajiyo marka laga reebo inay ka faaidaystaan ganacsatada Reer Galmudug.
Maamulka Galmudug ayaa ku howlan dardar-gelinta sidii loo dhisi lahaa dekadda magaalada Hobyo, islamarkaana Ganacsatada deegaannada Galmudug uga faa’iideysan lahaayeen.
Xafiiska Wararka Halqaran.com
Halqarannews@gmail.com
