Jowhar (Halqaran.com) – Guddoomiyaha degmada Warsheekh ee Gobolka Shabeellaha Dhexe Xasan Axmed Maxamed ayaa si kulul waxaa uu uga hadlay falkii Hooyada iyo labada carruur ee lagu dilay ee ka dhacay deegaanka Xaluule oo hoostaga degmadaas.
Guddoomiyaha oo Shir jaraa’id ku qabtay Magaalada Jowhar ayaa waxaa uu sheegay in ka maamul ahaan ay aad uga xun yihiin falkaasi lagu dilay dadka Birima-geydada ah, kuwaas oo soo lab laabtay.
Waxaa uu sheegay in ay hayaan magacyo iyo tirada dadkii geystay Xasuuqii Carruurta iyo haweenka, islamarkaana dhacdadaasi ay la xiriirto dagaal aanooyin qabiil ah oo ka jira deegaannada hoostaga degmada Warsheekh.
Odayaasha Dhaqanka, Waxgaradka degmada Warsheekh iyo deegaannada hoostaga ayaa waxaa uu ugu baaqay inay arrintaani ka harin, islamarkaana ay ka hortagaan in falal kale ay dhacaan.
Si kastaba, guddoomiyaha degmada Warsheekh ayaa xusay, in ay dhawaan gacanta ku sii dhigi doonaan dadkii ka dambeeyay falkaasi, islamarkaana tallaabo sharci ah laga qaadi doono.
Xafiiska Wararka Halqaran.com
Halqarannews@gmail.com
