Baydhabo (Halqaran.com) – Ra’iisul wasaaraha xukuumadda federaalka Soomaaliya mudane Maxamed Xuseen Rooble ayaa ka qeyb galay xaflad isugu jirtay casho sharaf iyo sagootin oo loogu sameeyay magaalada Baydhabo ee xarunta KMG ah ee Koofur Galbeed.
Xafladda oo madaxweynaha Koofur galbeed mudane, Cabdicasiis Xasan Maxamed Laftagareen uu u qabtay ra’iisul wasaaraha iyo wafdiga uu hoggaaminayo ayaa aheyd mid lagu maamuusaya.
Waxaa kasoo qeyb galay xafladaasi mas’uuliyiin ka tirsan maamulka Koonfur Galbeed iyo qeybaha kala duwan ee bulshada.
Ra’iisul wasaare Maxamed Xuseen Rooble ayaa madaxda Koofur Galbeed iyo shacabkooda uga mahadceliyay sida ay u maamuuseen isaga iyo wafdigiisa muddadi ay joogeen magaalada Baydhabo.
Rooble oo maalmihii lasoo dhaafay ku sugnaa magaalada Baydhabo ayaa dhagax dhigay goobo muhiim u ah bulshada isagoo kulamo kala duwana la qaatay bulshada magaalada Baydhabo.
Xafiiska Wararka Halqaran.com
Halqarannews@gmail.com
