Wanlaweyn (Halqaran.com) – Wararka ka imaanaya Gobolka Shabeellaha Hoose ayaa sheegaya in xalay xilli dambe qarax lagu dilay Guddoomiyihii deegaanka Leego ee Gobolkaas, xilli uu ku sugnaa degmada Wanlaweyn ee Gobolkaasi.
Guddoomiyihii deegaanka leego oo lagu Magacaabi jiray Xasan Gucdur ayaa u geeriyooday qarax loogu xiray Gaarigiisa, waxaana ku dhaawacmay qaraxaas laba askari oo kamid ahaa ilaaladiisa.
Mas’uuliyiin ka tirsan Maamulka Gobolka Shabeellaha Hoose ayaa xaqiijiyay geerida Guddoomiyihii deegaanka Leego oo bilihii la soo dhaafay ku sugnaa degmada Wanlaweyn ee Gobolka Shabeellaha Hoose.
Xildhibaan Daahir Amiin Jeesow oo ka tirsan Xildhibaannada Golaha Shacabka ayaa ka tacsiyadeeyay dilka Guddoomiyihii deegaanka Leego, waxaana weli dilkaasi si cad uga hadlin mas’uuliyiinta maamulka Gobolka Shabeellaha Hoose.
Xafiiska Wararka Halqaran.com
Halqarannews@gmail.com
