Gaalkacyo (Halqaran.com) – Madaxweynaha maamul goboleedka Galmudug, Mudane Axmed Cabdi Kaariye (Qoorqoor) ayaa Madaxtooyada magaalada Gaalkacyo ku soo dhaweeyay Madaxweynihii hore ee Puntland, Dr. Cabdiweli Maxamed Cali Gaas.
Qoorqoor iyo Cabdiweli Gaas ayaa iska xog wareystay xaaladaha guud ee siyaasadda dalka iyo tan Gobolka Mudug oo shirar kala duwan ay ka socdaan.
Madaxweynaha Galmudug ayaa in ka badan toddobaad waxaa uu ku sugan yahay magaalada Gaalkacyo, waxaana la fillayaa in Khamiista maanta ah uu booqdo saldhigyo Ciidan.
Madaxweynihii hore ee Maamulka Puntland Dr. Cabdiweli Gaas, ayaa isagana muddooyinkii dambe wuxuu ku sugnaa magaalada Gaalkacyo ee Xarunta Gobolka Mudug.
Maamullada Puntland iyo Galmudug oo xad wadaag ah, waxaa iminka ka dhex bilaabatay wada shaqeyn buuxda oo dhexdooda ah, kadib markii Wasiirka Amniga Galmudug, Axmed Macalin Fiqi uu sidaas horey u sheegay.
Xafiiska Wararka Halqaran.com
Halqarannews@gmail.com
