Muqdisho (Halqaran.com) – Madaxweynaha dowlad goboleedka Galmudug, Mudane Axmed Cabdi Kaariye (Qoorqoor) ayaa tegay Hoyga uu Muqdisho ka degan yahay Madaxweynihii hore ee Soomaaliya, Mudane Xadan Sheekh Maxamuud halkaas oo uu kulan kula qaatay Madaxda Xisbiyada Dalka.
Kulankan ayaa waxaa looga hadllay xaaladda guud ee Soomaaliya, gaar ahaan arrimaha Doorashooyinka 2020/2021, iyo sidii loo dhammeytiri lahaa heshiiskii hannaanka doorashada ee lagu gaaray shirkii Dhuusamareeb3.
Sidoo kale, waxaa kulankaasi ka qeyb galay Xisbiyada ku mideysan Madasha Xisbiyada Qaran iyo Hoggaamiyaha Xisbiga Wadajir Cabdiraxmaan Cabdishakuur Warsame.
Kulankaan ayaa kusoo beegmaya xilli magaalada Muqdisho ay ku sugan yihiin dhammaan Madaxda Dowlad Goboleedyada dalka, iyaga oo la filayo in Madaxweyne Farmaajo la qaatan kulan looga hadlayo Arrimaha doorashooyinka maalinta berri oo Sabti ah.
Xafiiska Wararka Halqaran.com
Halqarannews@gmail.com
