Muqdisho (Halqaran.com) – Waxaa magaalada Muqdisho soo gaaray wafdi uu hoggaaminayo madaxweynaha dowlad goboleedka Galmudug Axmed Cabdi Kaariye Qoor-qoor.
Xildhibaano ka tirsan labada gole ee Baarlamaanka Soomaaliya ayaa madaxweyne Qoor-qoor ku soo dhaweeyay Garoonka Diyaaradaha Muqdisho.
Madaxweyne Qoor-qoor ayaa la filayaa in uu ka qeybgalo shirka Madaxda dowladda iyo dowlad goboleedyada ee dhawaan ka furmaya Muqdisho, waxaana horey u sii joogay magaalada Muqdisho Madaxweynayaasha Jubaland iyo Puntland, balse waxaa wali Muqdisho soo gaarin madaxweynaha dowlad goboleedka Koonfur Galbeed.
Xafiiska wararka Halqaran.com
Halqarannews@gmail.com
