Istanbul (Halqaran.com) – Madaxweynaha Turkiga Recep Tayyip Erdogan ayaa daah furay Masjid weyn oo ku yaalla fagaaraha caanka ah ee Istanbul kadib tobanaan sano oo maxkamad iyo doodo dadweyne ay hor taagnaayeen, doodahaas oo ku saabsan in astaan diimeed laga dhiso bartamaha magaalada Istanbul.
Madaxweyne Recep Tayyip Erdogan ayaa Jimcihii furay Masjidkan ku yaalla fagaaraha Taksim ee magaalada Istanbul, isagoo fulinaya himilo tobanaan sano jirsatay oo ah inuu ka dhiso Masjid ay ku cibaadeystaan Muslimiinta bartamaha magaalada ugu weyn Turkiga.
“Masjidka Taksim hadda wuxuu ku yaal meel caan ah oo ka mid ah astaamaha Istanbul, haddii eebe idmana weligiis wuu jiri doonaa,” ayuu yiri madaxweyne Erdogan kaddib salaaddii Jimcaha.
Masjidkan ayaa ku xardhan astaamihii dowladdii Cusmaaniyiinta iyadoona qaab casri ah loo dhisay, isagoona qaadaya ilaa 4,000 oo qof.
Xafiiska wararka Halqaran.com
Halqarannews@gmail.com
