Muqdisho (Halqaran.com) – Warar dheeraad ah ayaa kasoo baxaya Qarax miino nooca dhulka lagu aaso oo saacadihii lasoo dhaafay ka dhacay degmada Afmadow ee gobolka Jubbada Hoose, kaasi oo geystay khasaaro isugu jira dhimasho iyo dhaawac.
Qaraxa ayaa waxaa lala eegtay ciidamo ka tirsan kuwa Daraawiishta dowlad goboleedka Jubbaland oo socdaal ku marayay wadada u dhaxeysa degmada Afmadow iyo deegaanka Qooqaani.
Inta la xaqiijiyay qaraxa oo miino ahaa ayaa waxaa ku dhintay saddex askari iyo sarkaal magaciisa lagu soo gaabiyay Cabdullaahi Carab, waxaana wararka qaarkood ay sheegayaan inay jiraan askar dhaawacyo soo gaareen.
Al-Shabaab ayaa inta badan qaraxyada noocaan oo kale ah la eegta ciidamada dowladda iyo kuwa maamul goboleedyada, xilliyada ay ku socdaalayaan waddooyinka, waxaana dhowr jeer oo horey sidaan oo kale qarax loola eegtay ciidamo ka tirsan Jubbaland.
Xafiiska wararka Halqaran.com
Halqarannews@gmail.com
