Cadaado (Halqaran.com) – Wararka ka imaanaya magaalada Cadaado ee xarunta baarlamaanka Galmudug ayaa sheegaya, in halkaasi ay gaareen madaxweynayaasha dowlad goboleedyada Galmudug iyo Puntland Axmed Qoorqoor iyo Siciid Deni.
Labadan mas’uul ayaa waxaa halkaasi si weyn ugu soo dhaweeyay wasiirro ka kala tirsan labada Galmudug iyo Puntland, waxaana safarkooda ku wehlinaya
Madaxweynayaasha maamullada Galmudug iyo Puntland ayaa si weyn loogu soo dhaweeyay magaalada Cadaado, waxaana aad loo adkeeyay ammaanka magaalada.
Labadan mas’uul ee maanta tegay magaalada Cadaado waxaa safarkooda ku wehlinaya wasiirro ka kala tirsan labada maamul goboleed ee Galmudug iyo Puntland.
Sidoo kale, mas‘uuliyiintan ayaa safarkooda Cadaado kadib u sii gudbi doona Magaalada Gaalkacyo ee Xarunta Gobolka Mudug oo ay kulamo kula qaadan doonaan dhinacyada kala duwan ee bulshada Gaalkacyo.
Si kastaba, Madaxda maamulada Galmudug iyo Puntland ayaa ka soo ambabaxay magaalada Dhuusamareeb oo ay dhawaan uga qeybgaleen shirka madaxda DF Soomaaliya iyo dowlad goboleedyada dalka.
Xafiiska Wararka Halqaran.com
Halqarannews@gmail.com
