Hargeysa (Halqaran.com) – Madaxweynaha Somaliland, Mudane Muuse Biixi Cabdi ayaa Sabtidii maanta warqadaha aqoonsiga ka guddoomay wakiilka cusub ee isutagga Imaaraatka Carabta usoo magacowday Somaliland.
Bayaan ka soo baxay madaxtooyada Somaliland ayaa lagu shaaciyay warkaas. “Iyadoo madaxweynaha qaranka Somaliland u sheegay wakiilka inuu soo gaaray dal iyo dad jecel walaalnimada iyo wadashaqeyn ay ku dheehantahay horumar iyo iskaashi dhexmara labada shacbi iyo labada dowladood” ayaa lagu yiri bayaan ka soo baxay madaxtooyada Somaliland.
Arrintan ayaa ku soo aadeysa xilli uusan wanaagsaneyn xiriirka ka dhexeeya dowladda federaalka Soomaaliya iyo dowladda Imaaraatka Carabta, bishii horre dowladda Soomaaliya ayaa ku eedeysay dalka Imaaraatka in uu wado isku dayo uu dalka kaga abuurayo qalalaase.
Xafiiska wararka Halqaran.com
Halqarannews@gmail.com
