Hargeysa (Halqaran.com) – Madaxweynaha Somaliland Mudane Muuse Biixi Cabdi, ayaa Isniintii maanta xafiiskiisa ku qaabiley safiirka Taiwan ku leeyahay Somaliland, gaar ahaan caasimada Hargeysa, Ambassador Allen C. Lou oo ay wehelinayeen masuuliyiin ka mida madaxda safaraadaasi.
Kulankaasi waxa lagaga wada hadlay adkaynta xiriirka labada dhinac, xoojinta arrimaha ganacsiga iyo isu-socodka.
Sidoo kale kulanka ayaa waxa lagu lafo-guray sidii Taiwan uga caawin laheyd Somaliland mashaariicda biyo balaarinta magaalooyinka siiba dhinaca qodista biyo xireenada ama dhaamamka iyo sidii Somaliland Taiwan isaga kaashan lahaayeen arrimaha caafimaadka iyo waxbarashada.
Kulanka ayaa ku dhamaaday is afgarad buuxa, iyadoo madaxweynuhu uga mahadceliyey safiirka iyo dawladiisaba dadaalka ay ugu jiraan adkaynta xiriirka labada dhinac, sida lagu sheegay War-Saxaafadeed ka soo baxay Madaxtooyada Somaliland.
Taiwan oo ah gobolka ka mid ah Shiinaha ayaa aaminsan inay ka go’day dowladda Shiinaha.
Xafiiska Wararka Halqaran.com
Halqarannews@gmail.com
