Hargeysa (Halqaran.com) – Madaxweynaha Somaliland, Mudane Muuse Biixi Cabdi ayaa Khamiistii maanta xafiiskiisa ku qaabilay safiirka Ingiriiska ee Soomaaliya, Amb. Ben Fender.
Kulanka waxa lagaga wada hadlay sidii loo xoojin lahaa iskaashiga soo jireenka ah ee labada dal ka dhexeeya iyo arrimo la xiriira dhinacyada amniga mandaqadda Geeska Afrika, kobcinta iyo kor u qaadidda waxbarashada.
Sidoo kale waxa kulankaasi lagu lafa-guray arrimaha doorashooyinka Somaliland.
Madaxweyne Muuse Biixi Cabdi ayaa safiirka Ingiriiska ee Soomaaliya iyo wafdigiisa uga mahadnaqay xiriirka wada shaqayneed ee labada dhinac iyo sidii loo sii dardargelin lahaa loona xoojin lahaa xiriirkaasi.
Danjire Ben Fender, ayaa dhinaciisa waxa uu sheegay in ay ka dawlad ahaan marwalba diyaar u yihiin wada shaqaynta labada dhinac iyo in la xoojiyo lalana wada socdo wixii hadba ku soo kordha mandaqadda Geeska Afrika.
Xafiiska Wararka Halqaran.com
Halqarannews@gmail.com
