Muqdisho (Halqaran.com) – Madaxweynaha dowlad goboleedka Puntland Saciid Cabdullaahi Deni ayaa Maanta xeyndaabka garoonka Aadan Cadde ee Muqdisho kula kulmay safiirka Jabuuti ee Soomaaliya Danjire Aadan Xasan Aadan.
Kulanka dhexmaray Madaxweyne Saciid Deni iyo Danjire Aadan ayaa waxaa inta uu socday looga hadlay guud ahaan xaaladda dalka Soomaaliya marayo gaar ahaan arrimaha doorashada ee qilaafka uu ka taagan yahay.
Safiirka Jabuuti ee Soomaaliya ayaa Madaxweynaha Puntland u sheegay in muhiim ay tahay in heshiis laga gaaro qilaafka ka jira qabsoomidda doorashada dhaceysa, isla markaana wax kasta lagu dhameeyo wada-hadal.
Madaxweyne Saciid Cabdullaahi Deni oo ku sugan magaalada Muqdisho ayaa waxaa kulamo kala duwan uu la qaatay wakiilada Beesha Caalamka, siyaasiyiin iyo musharraxiin, isagoo kala hadlay doorashada iyo arrimo kale.
Xafiiska wararka Halqaran.com
Halqarannews@gmail.com
