Baydhabo (Halqaran.com) – Madaxweynaha Dowlad Goboleedka Koonfur Galbeed Cabdicasiis Xasan Maxamed Laftagareen ayaa Maanta waxaa uu Magaalada Baydhabo ee Xarunta Gobolka Baay kula kulmay Culimada deegaannada Koonfur Galbeed.
War kasoo baxay Madaxtooyada Koonfur Galbeed ayaa waxaa lagu sheegay in Madaxweynaha oo fulinaya hanaqaadka Dowladnimada Deegaannada Koonfur Galbeed sidii ay uga qeyb qaadan la hayeen uu culimada ula kulmay.
Madaxweyne Laftagareen iyo Culimada ayaa waxaa ay ka wada hadleen sidii ay Culimada Gacan uga geysan lahayeen Doorkooda ku aadan Horumarka iyo Xasiloonida deegaannada Koonfur Galbeed.
Waxaa magalada Baydhabo ee Xarunta gobolka Baay dhawaan ka dhacay faraxumeyn loo geystay laba Carruur ah, iyadoo laba rag ah oo lagu eedeeyay la toogtay. Waxaana Wasaaradda Warfaafinta Koonfur Galbeed ay bilaawday inay Culimada kala hadasho ka hortagga arrimahaasi oo kale.
Xafiiska Wararka Halqaran.com
Halqarannews@gmail.com
