Baydhabo (Halqaran.com) – Madaxweynaha Dowlad Goboleedka Koonfur Galbeed Cabdicasiis Xasan Maxamed (Laftagareen) ayaa maanta sheegay in uu aad uga xun yahay dhibaatada ka dhalatay fatahaadka uu sameeyey Roobabkii Gu‘ga ahaa ee ka Da‘ay Degmada Baardheere iyo Degaanadda hoosyimaada kaasi oo Barakaciyey in ka Badan 500 oo Qoys oo Biyuhu saameeyeen.
Laftagareen ayaa sidoo kale ka tacsiyeeyay musiibada naf iyo maalba leh ee ka dhalatay daadadkii ku fatahay magaalada Qardho.
Madaxweynaha Koonfur Galbeed ayaa tilmaamay murugada ay leedahay boqolaalka qoys ee hoygoodii iyo hantidoodii ku waayey daadadkii ku soo rogmaday magaalada, iyada oo dalkeenna ay ka jirto halis caafimaad oo la tacaaliddeeda ay Socoto.
Ma jirto ilaa iyo hadda Dhimasho ka dhalatay Fatahaadka Biyaha Degmada Baardheere, walow ay jiraan saamayn hanti ay geysteen biyaha.
Xafiiska Wararka Halqaran.com
Halqarannews@gmail.com
