Muqdisho (Halqaran.com) – Waxaa faah-faahin ka soo baxaya, bam gacmeed lagu weeraray ciidamo ku sugnaa Isgoyska Black Sea ee Degmada Hawlwadaag,
Bam gacmeedkan ayaa la sheegay inay ku dhaawacmeen Shan ruux.
Ciidanka Bam Gacmeedka lagu weeraray ayaa waxa ay yihiin Ciidamo taraafiko ah oo Isgoyskaasi ka hawlgala, waxaana Khasaare uu soo gaaray dad shacab ah oo halkaasi ku sugnaa.
Ugu yaraan Saddex ruux oo shacab ah ayaa dhaawac uu soo gaaray oo laba ka mid yihiin xaalkooda kuwa liitay sida dadka deegaanka ay sheegeen.
Sidoo kale, laba Askari ayaa iyagana dhaawac soo gaaray, waxaaba halkaasi markii dambe gaaray Ciidamada Booliska oo goobta ka qaaday dadkii dhaawacyada uu soo gaaray.
Shaqsigii ka dambeeyay Bam gacmeedkaasi lagu weeraray Ciidamada ayaa durba halkaasi ka baxsaday, iyadoo Maalin cad ay tahay.
Si kastaba amniyaadka Al-Shabaab ayaa dilal qorsheysan iyo Qaraxyo waxa ay la beegsadaan Ciidamada dowladda iyo cid kasta oo gacan saar la leh Ciidanka.
Xafiiska Wararka Halqaran.com
Halqarannews@gmail.com
