Cadaado (Halqaran.com) – Madaxweynaha dowlad goboleedka Jubbaland Mudane Axmed Maxamed Islaam (Axmed Madoobe) ayaa Sabtida maanta ah booqasho Tariikhi ah ku tagay Magaalada Cadaado ee maamulka Galmudug.
Waxaa Madaxweynaha si weyn garoonka diyaaradaha Cadaado ugu soo dhaweeyay dadweynaha Magaalada iyo Masuuliyiinta maamulka Galmudug.
Madaxweynaha Jubbaland ayaa waxaa uu sheegay in ay xusuus weyn ku leedahay Tariikhdiisa Magaaladan, isla markana uu muddo ku noola sidoo kalana uu aabahii Daaci diinta dadka bara ka ahaa halkan.
Axmed Madoobe, ayaa sheegay in jacaylkii uu aabahii Magaaladan u qabay mid lamid ah uu u hayo Shacabka iyo Magaaladan, isla markana uu mar walba niyada ku hayo.
Shacabka reer Cadaado ayuu Madaxweynahu ugu baaqay inay garab istaagan Dowlada Cusub ee Galmudug oo ay la shaqeeyaan, isagoo sheegay in dadka deegaankan lagu yaqaanay Walaalnimo iyo is jacayl taas oo ka dhigtay meel mar walba lagu soo hirto.
Xafiiska Wararka Halqaran.com
Halqarannews@gmail.com
