USA (Halqaran.com) – Elon Musk oo ah ganacsadaha iska leh shirkadda gawaarida korontada ku shaqeyso soo saarta ee Tesla iyo shirkadda SpaceX oo farsameysa dayax gacmeedyada, ayaa waxaa lagu soo waramayaa in uu qasaaray toddobaad gudihiis lacag lagu qiyaasay 27 bilyan oo doolar.
Ganacsadahaan ayaa booska ugu sarreeya ee taajirnimada caalamka ka saaray milkiilaha suuqa Online-ka ee Amazon Jeff Bezos horraantii sanadkan, balse qasaarada soo gaartay ayaa waxa ay ka dhigeysaa in uu galo kaalinta 2aad ee taajirnimada caalamka.
Hoos u dhaca hantidiisa ayaa soo afjartay ku dhowaad lix toddobaad oo uu ahaa shaqsiga ugu qanisan caalamka. Qasaaraha hantidiisa ayaa waxaa sababay ka dib markii hoos udhac weyn uu ku yimid shirkadiisa baabuurta.
Elon Musk ayaa hantidiisa lagu sheegay in ay gaareyso 157 bilyan oo doolar, halka Jeff Bezos lagu sheegay hantidiisa 177 bilyan oo doolar.
Xafiiska wararka Halqaran.com
Halqarannews@gmail.com
