Cadaado (Halqaran.com) – Madaxwenaha dowlad goboleedka Galmudug Axmed Qoorqoor oo shalay gaaray magaalada Cadaado ee gobolka Galgaduud ayaa halkaasi kulan isfahan-darro ku soo dhammaaday kula yeeshay qaar ka mid ah odayaasha iyo waxgaradka magaalada, sida ay xogta ku heshay Halqaran.com.
Wararka ayaa sheegaya, in kulanka loogu hadlay arrimo la xiriira xiisadda ka taagan deegaannada Qalaan-Qale iyo Xanaanbuure oo uu dalbaday madaxweynaha Galmudug in isaga si gaar ah loogu wareejiyo, balse odayaasha Cadaado ay ka hor yimaadeen.
Axadda maanta ah ayaa mar kale lagu wadaa in ay kulan yeesheen Madaxweynaha Galmudug iyo Odayaasha iyo waxgaradka Magaalada Cadaado, islamarkaana arrinta loo saaro Guddi ka kooban 7 Xubnood si la isugu soo dhawaado.
Ugu dambeyn, Degaannada Qalaan Qale Iyo Xanaanbuure ee gobolka Galgaduud ayaa waxaa ka dhacay dagaal Beeleedyo soo laab laabtay, kuwaas oo sababay khasaaro isugu jira dhimasho iyo dhaawac iyo barakaca Boqolaal Qoys.
Xafiiska Wararka Halqaran.com
Halqarannews@gmail.com
