Muqdisho (Halqaran.com) – Waxaa goordhow Xarunta Villa Hargeysa ee Magaalada Muqdisho ka furmay kulanka Xildhibaanada Golaha Shacabka Baarlamaanka Federaalka Soomaaliya, kaasi oo Maanta siweyn Isha lagu wada haayo.
Ajenadaha kulanka Xildhibaanada ayaa waxaa uu yahay Cudurka halista ah ee COVID-19, u codeynta laba xubnood oo kamid noqonaya Guddiga Madaxa-banaan ee Xuduudaha.
Guddoomiyaha Golaha Shacabka Maxamed Mursal Sheekh C/raxmaan iyo labadiisa ku-xigeen ayaa kulankaan shir guddoominaya, isla markaana waxaa goobjoog ka ah 139.
Kulanka ayaa waxaa ka maqan 15 Xildhibaan oo horey Guddoomiye Maxamed Mursal uu ka joojiyay ka qeyb galka kulamada Baarlamaanka, kaddib markii Xildhibaanada ay sameeyeen fowdo iyo buuq kulankii sabtida.
Xildhibaanada laga mamnuucay kulamada Baarlamaanka ayaa sheegay inay siweyn uga soo horjeedaan qorshaha Guddoonka ku doonayo in muddo kordhin loogu sameeyo Baarlamaanka iyo Madaxweynaha muddo xileedkiisa dhammaaday.
Xafiiska wararka Halqaran.com
Halqarannews@gmail.com
