Germany (Halqaran.com) – Kabahaan oo naqshad gaar ah leh sameyntoodana ay iska kaashadeen shirkadda soo saarta qalabka ciyaaraha ee Adidas iyo tan Jarmalka ee Meissen, ayaa noqon doona kabihii ugu qaalisanaa ee abid la iibiyo, sida uu sheegay hoyga beec geynta badeecadaha ee Sotheby’s.
Kabahaan oo yara shabaha kuwa ay xirtaan orodyahanada ciyaaraha athletic-ka, waxaana uu qofkasta oo daneynaya kabahaan uu ka iibsankaraa mareegta internet-ka.
Waxey booska kabaha ugu qaalisan ka saari doonaan Jordan Brand oo ay naqshadeysay Nike, waxaana lagu iibiyay $615,000.
AFP oo sheekadaan daabacday ayaa rumeysan in kabahaan ay soo jiidan doonaan maal-qabeenno badan oo ay suuq fiican u yeeli doonaan kabaha ciyaaraha ee kala jaadka ah.
Kabahaan ayaa qiimahooda waxa uu yahay hal milyan oo doolar.
Xafiiska wararka Halqaran.com
Halqarannews@gmail.com
