Nigeria (Halqaran.com) – Hoggaamiyihii Boko Xaraam Abubakar Shekau ayaa is dilay xilli uu dagaal kula jiray koox Islaami ah oo ka soo horjeedda Boko Haram, sida laga soo xigtay cod ay soo duubeen kooxdaas ka soo horjeedda Boko Xaraam maalinnimadii Axadda, iyadoo ay ku soo aadeyso laba toddobaad ka dib markii ay soo baxeen warar sheegaya in uu dhintay.
Dhimashadiisa waxay calaamad u tahay isbedel weyn oo ku yimid kacdoonka Nigeria ee 12 jirsaday kaas oo ay ku dhinteen in ka badan 40,000 oo qof halka ay ku barakaceen ku dhawaad laba milyan oo qof.
“Shekau ayaa doortay in lagu ceebeeyo aakhiro halkii lagu ceebeyn lahaa dunida, isagoona is dilay wuxuuna isku qarxiyay walxaha qarxa.”
Ayaa lagu yiri cod u eg kan hoggaamiyaha ISWAP Abu Musab Al-Barnawi oo ku hadlayay luqadda Kanuri.
Xafiiska wararka Halqaran.com
Halqarannews@gmail.com
