Garoowe (Halqaran.com) – Guddoomiyaha Golaha Shacabka BF Soomaaliya, Mudane Sheekh Aadan Maxamed Nuur Madoobe iyo wafdi uu hoggaaminayo ayaa Khamiistii Maanta gaaray magaalada Garoowe ee Xarunta Gobolka Nugaal ahna Caasimadda maamulka Puntland.
Mr. Aadan Madoobe iyo wafdigiisa ayaa waxaa Garoonka diyaaradaha Jeneraal Maxamed Abshir ku soo dhaweeyay Guddoomiyaha Baarlamaanka Puntland Cabdirashiid Yuusuf Jibriil, ku-xigeenadiisa, Xildhibaano, Wasiirro iyo mas’uuliyiin kale.
Guddoomiyaha Golaha Shacabka Baarlamaanka Soomaaliya, ayaa inta uu ku sugan yahay magaalada Garoowe waxa uu kulamo la qaadan doonaa Guddoomiyaha Baarlamaanka Puntland iyo Madaxweyne ku-xigeenka Maamulka Axmed Cilmi Cismaan Karaash.
Ilaa iyo hadda lama sheegin, ujeedka rasmiga ah ee Guddoomiye Aadan Madoobe ee uu ku tagay magaalada Garoowe.
Balse kulamada uu la qaadan doono Guddoomiyaha Baarlamaanka Puntland iyo Madaxweyne ku-xigeenka ayaa waxaa looga hadli doonaa arrimo kala duwan.
Xafiiska Wararka Halqaran.com
Halqarannews@gmail.com
