Muqdisho (Halqaran.com) – Waxaa dib loo dhigay kulankii maanta ay lahaayeen xildhibaanada Baarlamaanka Soomaaliya, sida uu sheegay guddoomiyaha Baarlamaanka Soomaaliya Maxamed Mursal Sheekh Cabdiraxmaan.
Maanta oo Isniin ah ayaa la filayay in uu furmo kalfadhi ay yeelanayaan xildhibaanada Baarlamaanka, Kaas oo uu ajendahiisu ahaa ka hadalka Xaaladda Covid-19.
Dib u dhigidda kulanka ayaa timid kaddib markii xildhibaano uu guddoomiyaha baarlamaanka uu ka mamnuucay in ay soo xaadiraan fadhiyada baarlamaanka ay sheegeen in ay tagi doonaan kulanka Isniinta.
Xildhibaanada ayaa loo diray fariin ah in maanta uu baaqday kulanka, kaas oo dib loogu dhigay Arbacada oo ay taariikhdu tahay 31 Maarso.
Xafiiska wararka Halqaran.com
Halqarannews@gmail.com
