J/Dhexe (Halqaran.com) – Ciidanka Kumaandooska dowladda Federaalka Soomaaliya oo kaashanaya Taliska Ciidamada Mareykanka ee AFRICOM ayaa duqeeyay Xarumo Al-Shabaab kulahaayeen degmooyinka Jilib, Bu’aale, Saakow iyo degaanka Salagle oo dhamaantood ka wada tirsan gobolka Jubbada dhexe.
Saraakiil ka tirsan Ciidanka Kumaandooska dowladda Federaalka ayaa sheegay in duqeyntaas oo dhacday xalay lagu bur buriyay fariisimo iyo gaadiid ay lahaayeen Xubno ka tirsan Al-Shabaab.
Taliyaha Guutada 16aad Ciidanka kumaandooska dowladda Federaalka Gaashaanle Ismaaciil Cabdimaalik Maalin ayaa sheegay duqeynta ay waxyeelo xooggan ka soo gaartay Saraakiil iyo Xubno ka tirsan Al-Shabaab, kuwaasi oo ay dib kasoo sheegi doonaan tirada dhimashada iyo dhaawaca soo gaaray.
Wuxuu intaasi ku daray taliyaha, in Al-Shabaab haatan ay bilaabeen in ay isaga baxaan deegaanno ka tirsan Jubbada dhexe, kadib markii ay kordheen weerarada dhinaca cirka ah oo Mareykanka la beegsanayo.
Waxaa muddooyinkii dambe Ciidamada Kumaandoosta Soomaaliya iyo Ciidanka Mareykanka ayaa wax ay kordhiyeen duqeymaha ay la beegsanayaan Magaalooyinka ay maamulaan Shabaab ee ku yaallo Gobolada dalka Soomaaliya.
Xafiiska Wararka Halqaran.com
Halqarannews@gmail.com
