Sool (Halqaran.com) – Wararka naga soo gaaraya gobolka Sool ayaa sheegaya, in dagaal beeleed oo khasaare geystay uu ka dhacay deegaanka Ari-Cadeeye ee gobolkaasi, kaasi oo u dhaxeeyay beello walaalo ah,
Dagaalkan oo uu dhexmaray maleeshiyaad hubeysan oo kasoo wada jeeda deegaanka Ari-Cadeeya ayaa sababay dhimashada afar qof iyo dhaawaca tiro kale oo kamid ah dhinacyada dagaallamaya.
Wararka ayaa sheegaya, in dagaalkan uu salka ku hayo aanooyin qabiil iyo dilal maalmihii lasoo dhaafay ka dhacayay degaanka Ari-Cadeeye ee gobolka Sool.
Ciidanka Somaliland oo kasoo baxay magaalada Laancaasnood ayaa ku wajahan deegaanno ka tirsan kuwa lagu dagaallamay.
Mas’uuliyiinta Somaliland ayaa ku baaqay in si deg deg ah loo joojiyo Colaadda deegaanka Ari-cadeeye.
Xafiiska Wararka Halqaran.com
Halqaranews@gmail.com
