Kismaayo (Halqaran.com) – Madaxweynaha maamulka Jubbaland, Mudane Axmed Maxamed Islaam (Axmed Madoobe) ayaa waxaa lagu wadaa in saacadaha soo socda uu soo saaro liiska Musharraxiinta doonaya inay u tartamaan Xildhibaannada Aqalka Sare.
Axmed Madoobe ayaa maanta waxaa uu la kulmayaa Guddiga doorashooyinka Heer Federaal oo uu horkacayo Guddoomiyaha Guddiga, kuwaas oo shalay gaaray Kismaayo si ay Axmed Madoobe kala wareegaan liiska Musharraxiinta Aqalka Sare qeybta Jubbaland.
Sidoo kale, Xubnaha Guddiga doorashooyinka ee Heer Federaal ayaa waxaa ay la kulmi doonaan musharraxiinta Aqalka Sare ee loo soo gudbiyo si ay ugala hadlaan qabsoomida doorashada Aqalka Sare.
Jubbaland ayaa isku diyaarinaya in uu noqdo Maamulkii ugu horeeyay ee dowlad Goboleedyada ka jira dalka ee qabta doorashada Aqalka Sare sanadkan 2021.
Xafiiska Wararka Halqaran.com
Halqarannews@gmail.com
