Garoowe (Halqaran.com) – Taliyaha ciidamada Daraawiishta ee dowlad goboleedka Puntland, Sareeye Gaas Yaasiin Cumar Dheere oo la hadlay warbaahinta ayaa sheegay in ciidamada maamulkaasi ay gacanta ku dhigeen xubno ka tirsan maleeshiyaadka Al-Shabaab, islamarkaana xiriir la leh Somaliland, sida uu hadalka u dhigay.
Taliyaha ayaa xusay in xubnaha la qabtay ay qirteen inay yihiin Al-Shabaab, islamarkaana ay is-baheysi la yihiin Somaliland, Wuxuuna tilmaamay in xubnahani lagu qabtay agab iyo dhaqaale laga keenay Somaliland, una wadeen buuraha Galgala oo ay ku xooggan yihiin Al-Shabaab.
Dhinaca kale, ma jiro weli wax hadal ah oo kasoo baxay dhanka Somaliland oo ku aadan raggaasi ay qabteen ciidamada Puntland.
→DAAWO MUUQAALLO KALE ,Sii Akhri Wararka Kale ee Maanta:⇓
- WAR CUSUB: Maxaa ka Ogtahay in dowladda Qadar ay Al-Shabaab siisay lacag tira badan si loo dhiso waddada isku xirta Muqdisho iyo Afgooye?!
- Farmaajo Yuusan sheegin guul aan weli imaan oo noqon karta guul-darro uu ka cararo!
- DEG DEG +DAAWO MUUQAAL: Feysal Cali Waraabe oo Hargeysa ku soo dhaweeyay Suldaanka Garxajis ee ka yimid Sanaag & Korneyl Caarre oo…
- DAAWO SAWIRRO: RW Kheyre oo maanta booqday ciidamo tababar uga socda magaalada Baydhabo!
Waxay aheyd, dhawaan markii Puntland shaacisay in ciidanka Somaliland iyo Al-Shabaab oo wada socda ay duulaan ku yihiin gobolka Sanaag, iyadoona arrintaasi ay si kulul uga Jawaabtay Somaliland oo sheegtay inaanu Jirin Xiriir kala dhexeeya Kooxaha Xagjirka ah ee Al-Shabaab.
Si kastaba, Puntland iyo Somaliland ayaa ku muransan gacan ku haynta Gobollada Sool iyo Sanaag, waxaana jira eedaymo kala duwan oo ay Warbaahinta isku Mariyaan.
Xafiiska Halqaran.com, Garoowe
Halqarannews@gmail.com
