Hiiraan (Halqaran.com) – Warbaahinta maleeshiyaadka Ururka Al-Shabaab ayaa soo bandhigtay Agaasimihii hore ee Madaxtooyadda Maamulka Hirshabelle oo Al-Shabaab isku dhiibay.
Xasan Cumar Axmed (Xasan Mahdi) ayaa ururka Al-Shabaab waxa ay ku soo bandhigeen deegaanka Buq-Aqable oo ka tirsan Gobolka Hiiraan.
Waxa uuna sheegay muddo saddex bilood inuu ahaay Agaasimaha Madaxtooyadda Hirshabelle, islamarkaana uu maamulaayay hanaanka shaqada Madaxtooyadda.
Agaasimihii hore ee Madaxtooyadda Hirshabelle ayaa sheegay gabi ahaanba inuu isaga baxay Siyaasadda sidaasina uu Shabaab isugu dhiibay.
Saddex bil ayuu haayay xilka Agaasimaha Madaxtooyadda Hirshabelle, ugu dambeyna Shabaab ayuu isku dhiibay.
Tani ayaa noqoneysa, markii ugu horeysay oo shaqsi soo qabta xilka Agaasimaha Madaxtooyadda Hirshabelle uu isku dhiibo Ururka Al Shabaab oo dagaal xooggan kula jira dowladda Soomaaliya.
Xafiiska Halqaran.com, Muqdisho
Halqarannews@gmail.com
