Galdogob (Halqaran.com) – Maleeshiyaad hubeysan ayaa xalay Saqdii Dhexe waxaa ay dad Shacab ah ku dileen deegaan lagu magacaabo, Dhagxanya-cadde oo ku dhow degmada Galdogob ee Gobolka Mudug.
Dadka degaanka ayaa Warbaahinta u xaqiijiyay in weerarkaas lagu dilay laba Ruux halka mid kale lagu dhaawacay, isla markaana dadkaasi la rasaaseeyay xilli ay ku sugnaayeen Hoygooda.
Wararka ay haleyso Halqaran News ayaa intaasi ku daraya, in la rumaysanyahay in weerarka uu la xiriiro aanooyin qabiil oo muddooyinkii dambe ka jiray deegaanno ka tirsan Gobolka Mudug.
Wararka ayaa intaasi ku daraya, in deegaanka Dhagxanya-cadde oo ku dhow degmada Galdogob ee Gobolka Mudug ay ka taagan tahay xiisad ka dhalatay dadka Shacabka ah ee la dilay.
Xafiiska Wararka Halqaran.com
Halqarannews@gmail.com
