Muqdisho (Halqaran.com) – Waxaa maanta la filayaa in shir uu u furmo madaxda maamul goboleedyada dalka iyo Beesha Caalamka, kaasi oo la doonayo in la isugu soo dhaweeyo dowladda federaalka iyo maamul goboleedyada uu qilaafka kala dhexeeyo.
Wararkii ugu dambeeyay waxa ay sheegayaan in madaxweyne Farmaajo uu saaka subax tagay Teendhada Afisyooni, waxaana la sheegay in tagitaankiisa uu saameyn ku yeelan karo shirka la filayo in saacado kaddib uu u furmo Beesha Caalamka iyo madaxda dowlad goboleedyada dalka.
Farmaajo ayaa waxaa la sheegay in ay wehliyaan Ra’iisul Wasaare Rooble iyo guddoomiyaha gobolka Banaadir, waxaana ay sugayaan madaxweynayaasha maamulada Galmudug, Hirshabeelle iyo Koonfur Galbeed.
Shirka u dhexeeya maamul goboleedyada dalka iyo dowladda federaalka Soomaaliya ayaa waxaa ka maqan madaxweynayaasha maamulada Jubbaland iyo Puntland , iyadoo ay socoto dadaallo ay wado Beesha Caalamka oo ay isugu soo dhaweynayso dowladda dhexe iyo labada maamul goboleed.
Xafiiska wararka Halqaran.com
Halqarannews@gmail.com
