Hargeya (Halqaran.com) – Wararka ka imaanaya magaalada Hargeysa ee Somaliland ayaa sheegaya, in Wariye Cabdimaalik Muuse Coldoon uu maanta dib u helay xorriyadiisa, kaddib markii uu muddo hal sano ka badan uu xirnaa
Madaxweynaha Somaliland, Mudane Muuse Biixi Cabdi ayaa cafis u fidiyay Wariye Cabdimaalik Muuse Coldoon.
Wariye Coldoon, markii xabsiga laga sii daayay, ayaa waxaa magaalada Hargeysa ku soo dhaweeyay qaar ka mid ah ururada mucaaradka Somaliland.
Somaliland ayaa horay xukun ugu riday Saxafi Coldoon, kadib markii ay ku eedeeyeen in uu kasoo horjeedda Qaranimada Somaliland.
Ugu dambeyn, bulshada rayidka ah ee Somaliland iyo Hay’addaha Xuquuqul Aadanaha ayaa ka codsaday in Madaxweynaha Somaliland Muuse Biixi Cabdi in uu Cafis u fidiyo Wariye Coldoon.
Xafiiska Wararka Halqaran.com
Halqarannews@gmail.com
