Muqdisho (Halqaran.com) – Kooxo hubaysan oo ka tirsan Ururka Al Shabaab ayaa maanta Muqdisho gudaheeda waxa ay ku dileen Sarkaal ka tirsanaa Ciidamada illaalada Madaxtooyadda Villa Soomaaliya.
Sarkaalkaan oo darajadiisa ay aheyd labada Xidigle ka tirsan Ciidamada Koofi Casta ee Madaxtooyadda Villa Soomaaliya ayaa dilkiisa wuxuu ka dhacay agagaarka Isgoyska Sanca ee Degmada Yaaqshiid.
Koox Bistoolado wadatay oo la sheegay inay soo dabagaleen ayaa laba Xidigle Cabdi Deeq waxa ay ku dhufteen rasaas ay madaxa kala dhaceen, kadibna waxa ay ka baxsadeen goobta.
Sarkaalka Madaxtooyadda ka tirsan ayaa durba meesha ku geeriyooday, waxaana daqiiqado kadib goobtaasi gaaray Ciidamada Booliska dowladda Federalka Soomaaliya.
Amniyaadka Al-Shabaab ee dilalka qorsheysan ka fuliya Magaalada Muqdisho gudaheeda ayaanan si sahal ah lagu qaban marka la eego falalka ay fuliyaan iyo sida ay ku baxsadaan.
Ururka Al-Shabaab ayaa shalay kaliya caasimadda Muqdisho waxa ay ku dileen laba ruux oo mid ka mid uu yahay Sarkaalkaasi, halka midka kalena uu yahay Askari ka tirsanaay Maamulka Degmada Hawlwadaag.
Xafiiska Halqaran.com, Muqdisho
Halqarannews@gmail.com
