Dhuusamaareeb (Halqaran.com) – Waxaa caawa magaalada Dhuusamareeb ka socda kulamo gaar gaar ah oo u dhaxeeya madaxda dowlad goboleedyada ee ku sugan Dhuusamareeb iyo Madaxda DF Soomaaliya.
Kulanka ayaa waxa uu ka socdaa xarunta madaxtooyada maamulka Galmudug oo ay degan yihiin inta badan mas’uuliyiintii tagay magaalada Dhuusamareeb.
Magaalada Dhuusamareeb ayaa hadda ku sugan, Madaxweynayeyaasha maamullada Galmudug, Hirshabeelle, Koonfur Galbeed iyo Jubbaland, Waxaa sidoo kale ku sugan Madaxweynaha JF Soomaaliya, Farmaajo iyo R/wasaare Xasan Cali Kheyre.
Sidoo kale, waxaa ku sugan magaalada Xildhibaanno iyo siyaasiyiin horay xilal uga soo qabtay Soomaaliya.
Ugu dambeyn, kulamada caawa ka socda magaalada Dhuusamareeb ayaa looga hadlayaa, ajandayaasha Shirka wadaji labaad ee ka furmi doona magaalada Dhuusamareeb iyo go’aan laga mideysan yahay oo ku saabsan Doorashooyinka Qaranka Soomaaliya.
Xafiiska Wararka Halqaran.com
Halqarannews@gmail.com
